"Meqa Sığorta" ASC "Uğur" mükafatı ilə təltif olunub

2013-cü ildə sığorta şirkətləri arasında seçilərək "Meqa Sığorta" ASC sığorta bazarında müştəri məmnuniyyətinin artırılması uğrunda çalışdığına görə "Ən dinamik inkişaf edən sığorta şirkəti" adına layiq görülüb və bunun nəticəsində 2014-cü ildə “UĞUR” mükafatı ilə təltif olunub.

"Meqa Sığorta" ASC ISO - 9001 2008 keyfiyyət sertifikatı ilə təltif edilmişdir.

2015-ci ildə “Meqa Sığorta” ASC həmçinin İsveçrənin SGS beynəlxalq audit şirkəti tərəfindən aparılan yoxlamaların nəticəsi olaraq "Sığorta və Təkrarsığorta xidmətlərinin göstərilməsi" sahəsində ISO-9001 2008 keyfiyyət sertifikatı ilə təltif edilmişdir. Bu sertifikat Şirkətimizdə keyfiyyətin idarəetmə sisteminin effektiv təşkil edildiyini və onun beynəlxalq standartlara uyğunluğunu təsdiq edir və şirkətin əməkdaşlarının peşəkarlığını, proqram təminatının, planlaşdırma və proqnozlaşdırmanın mövcudluğunu, elektron sistemlərin effektiv tətbiqini, sənədlərin sistemləşdirilməsi və arxivləşdirilməsi və digər işlərin standartlara uyğun təşkil edildiyini özündə əks etdirir.

"Meqa Sığorta" ASC "European Quality Award"  mükafatı ilə təltif  edilmişdir.

2015-ci ildə isə Avropa Biznes Assambleyasının mütəxəssisləri İsveçrə keyfiyyət standartları institutu ilə birlikdə “Dünyanın Dinamik inkişaf edən şirkətləri” mövzusunda apardıqları araşdırmalar nəticəsində Avropa standartlarına uyğun olaraq keyfiyyət idarəetmə sisteminin, məhsul və xidmətlərin inkişafında yüksək nailiyyətlər qazandığına görə "Meqa Sığorta" ASC-ni “European Quality Award” mükafatı ilə təltif etmişdir. 

"Meqa Sığorta" ASC "Yaşıl kart" sisteminə qoşulmuşdur.

2016- ci ildə  “Meqa Sığorta” ASC “Yaşıl Kart” sistemi çərçivəsində fəaliyyət göstərmək hüququ olan ilk sığorta şirkətlərindən biri olmuşdur. Yaşıl Kart sistemi avtonəqliyyat vasitəsi sahiblərinin mülki məsuliyyətinin sığortası şəhadətnaməsinin bu sistemin iştirakçıları, yəni üzv ölkələr arasında qarşılıqlı tanınması haqqında Sazişdir. Bu sistemə əsasən “Yaşıl Kart” haqqında Sazişin iştirakçıları olan dövlətlərin hər hansı biri tərəfindən verilmiş avtonəqliyyat vasitəsi sahiblərinin mülki məsuliyyətinin sığorta şəhadətnaməsi həmin Sazişin iştirakçısı olan digər 48 dövlətin ərazisində etibarlı sayılır. Beləliklə, avtomobil nəqliyyatı vasitəsi ilə sistemin əhatə etdiyi xarici ölkələrə səfər edən sürücülər “Meqa Sığorta” ASC-dən “Yaşıl Kart” əldə etməklə bütün səfər boyunca mülki məsuliyyətlərini sığortalaya bilərlər.

“Meqa Sığorta” ASC Amerika Ticarət Palatasına – AmCham-a üzv oldu.

2016-cı ilin iyun ayından “Meqa Sığorta” ASC Azərbaycanda biznes maraqlarını təşviq edən və bir çox tanınmış şirkət və müəssisələrin təmsil olunduğu Amerika Ticarət Palatasına – AmCham-a üzv oldu. Amerika Ticarət Palatasına üzvlük “Meqa Sığorta” ASC-yə istər yerli, istərsə də xarici təşkilatlatlarla daha yaxından əməkdaşlıq etməyə, qanunvericilikdə baş vermiş dəyişikliklər, bazarın monitorinqi və  araşdırmalar nəticəsində əldə edilmiş aylıq təhlillər vasitəsi ilə daha geniş məlumatlar əldə etmyə imkan yaradır, o cümlədən Palata tərəfindən keçirilən iclaslarda, brifinq və konfranslarda təmsil olunmaqla əlverişli biznes mühitinin formalaşmasında fəal iştirak etməyə təkan verir.

"Meqa Sığorta" ASC IFRS hesabatlarına keçib.

“Meqa Sığorta” ASC Beynəlxalq Maliyyə Hesabatları Standartlarına (IFRS) uyğun hesabatların auditini müvəffəqiyyətlə tamamlamışdır. Dünyanın ən nüfuzlu beynəlxalq audit şirkətlərindən biri hesab edilən “Ernst & Young” şirkəti  “Meqa Sığorta” ASC-nin 31 dekabr 2016-cı il üzrə Beynəlxalq Maliyyə Hesabatları Standartlarına uyğun hazırlanmış hesabatlarına müsbət rəy vermiş və həmin rəydə maliyyə hesabatlarının bütün mühüm aspektlər üzrə düzgün tərtib edilməsi qeyd edilmişdir. Maliyyə Hesabatlarının Beynəlxalq Standartlar üzrə hazırlanması və istifadəçilərə təqdim edilməsi şirkət üzrə bütün əməliyyatların tam şəffaf və transparant aparıldığını bir daha təsdiq edir. Bundan əlavə Beynəlxalq Maliyyə Hesabatları Standartlarının tətbiqi, şirkətin səhmdarları, müştəriləri, həmçinin yerli və xarici sığorta və təkrarsığorta partnyorları üçün əhəmiyyətli sayılaraq, onun mövcud maliyyə vəziyyəti və fəaliyyəti haqqında məlumatların dəqiq, dürüst və şəffaf çatdırılmasını təmin edir və şirkətin gələcəkdə beynəlxalq kapital bazarlarına çıxışı üçün geniş imkanlar yaradır.

"Meqa Sığorta" ASC ISO – 9001:2015 keyfiyyət sertifikatı ilə təltif edilmişdir.

İsveçrənin SGS beynəlxalq audit şirkəti tərəfindən 2018-ci ildə aparılan növbəti yoxlamanın nəticələrinə əsasən “Meqa Sığorta” ASC-nin Keyfiyyət Menecment Sistemi üzrə beynəlxalq standartlara uyğunluğu təsdiq olunmuş və Şirkətimiz İSO 9001 standartının 2015-ci versiyasını uğurla alaraq, ISO-9001:2015 keyfiyyət sertifikatı ilə təltif edilmişdir. Bu sertifikat Şirkətimizdə keyfiyyət idarəetmə sisteminin effektiv təşkil edildiyini və onun beynəlxalq standartlara tam uyğunluğunu təsdiq edir və şirkətin əməkdaşlarının peşəkarlığını, proqram təminatının, planlaşdırma və proqnozlaşdırmanın mövcudluğunu, elektron sistemlərin effektiv tətbiqini, sənədlərin sistemləşdirilməsi və arxivləşdirilməsi və digər işlərin standartlara uyğun təşkil edildiyini özündə əks etdirir.

"Meqa Sığorta" ASC "Caspian Business Award 2018" mükafatı ilə təltif edilmişdir.

2018-ci ildə  “Meqa Sığorta” ASC dünyanın 50-dən çox ölkəsində yüksək və orta səviyyəli şirkətlərin menecerləri arasında keçirilmiş sorğu əsasında “Caspian Business Award 2018” mükafatının nominasiyalar üzrə “Keyfiyyətli xidmət və dayanıqlı inkişaf üzrə ilin sığorta şirkəti” adına layiq görülüb.

“Meqa Sığorta” ASC “Alman-Azərbaycan Xarici Ticarət Palatası”-na üzv oldu.

2019-cu ilin mart ayından “Meqa Sığorta” ASC bir çox tanınmış şirkət və müəssisələrin təmsil olunduğu “Alman-Azərbaycan Xarici Ticarət Palatası”-na üzv oldu. “Alman-Azərbaycan Xarici Ticarət Palatası”-na üzvlük “Meqa Sığorta” ASC-yə potensial müştəri bazasının genişləndirilməsinə, Cəmiyyətin brendinin geniş və daha da yaxından tanınmasına,  Palata tərəfindən təşkil olunan işgüzar görüş, təlim,  biznes forumları və komissiyalarının işində Cəmiyyətin nümayəndələrininn aktiv iştirakına,  həmçinin Palatanın apardığı  araşdırmalar nəticəsində əldə edilmiş aylıq təhlillər vasitəsi ilə daha geniş və etibarlı məlumatlar almaq imkanı yaradacaqdır. 

“Meqa Sığorta” ASC “Azərbaycan - Fransa Ticarət və Sənaye Palatası” İctimai Birliyinə üzv oldu.

2019-cu ilin mart ayından “Meqa Sığorta” ASC Azərbaycanda biznes maraqlarını təşviq edən və bir çox tanınmış şirkət və müəssisələrin təmsil olunduğu daha bir aparıcı təşkilata “Azərbaycan - Fransa Ticarət və Sənaye Palatası” İctimai Birliyinə üzv oldu. “Azərbaycan - Fransa Ticarət və Sənaye Palatası” İctimai Birliyinə üzvlük “Meqa Sığorta” ASC-yə istər yerli, istərsə də xarici təşkilatlatlarla əməkdaşlığı möhkəmləndirməyə və Palata tərəfindən təşkil olunan konfranslarda təmsil olunmaqla, əlverişli biznes mühitinin formalaşmasında fəal iştirak etməyə təkan verir.

“Meqa Sığorta” ASC-nin rəsmi internet səhifəsi istifadəyə verildi.

“Meqa Sığorta” ASC-nin rəsmi internet səhifəsi olan www.meqasigorta.az istifadəçilərin ixtiyarına verilib.

Eyni zamanda “Meqa Sığorta” ASC onlayn satış sisteminin tətbiqinə başlamışdır.

"Meqa Sığorta" ASC IFRS hesabatlarının auditini uğurla keçib.

“Meqa Sığorta” ASC Beynəlxalq Maliyyə Hesabatları Standardlarına (IFRS) uyğun hesabatların auditini müvəffəqiyyətlə tamamlamışdır. Dünyanın ən nüfuzlu beynəlxalq audit şirkətlərindən biri hesab edilən “KPMG” şirkəti  “Meqa Sığorta” ASC-nin 31 dekabr 2019-cu il üzrə Beynəlxalq Maliyyə Hesabatları Standardlarına uyğun hazırlanmış hesabatlarına müsbət rəy vermiş və həmin rəydə maliyyə hesabatlarının bütün mühüm aspektlər üzrə düzgün tərtib edilməsi qeyd edilmişdir. Maliyyə Hesabatlarının Beynəlxalq Standartlar üzrə hazırlanması və istifadəçilərə təqdim edilməsi şirkət üzrə bütün əməliyyatların tam şəffaf və transparant aparıldığını bir daha təsdiq edir.

“Meqa Sığorta” ASC ISO 9001:2015 standartı üzrə 3 il müddətinə növbəti resertifikasiya auditindən müvəffəqiyyətlə keçib.

Müstəqil ekspertiza, nəzarət, sınaq və sertifikatlaşdırma xidmətləri göstərən İsveçrə şirkəti "SGS Azeri Ltd" Keyfiyyət İdarəetmə Sisteminin ISO 9001:2015 Beynəlxalq standartına növbəti uyğunluq auditini "Meqa Sığorta" ASC-də müsbət nəticələrlə yekunlaşdırıb.

Audit Cəmiyyətin biznes proseslərinin və onları əhatə edən sənədləşdirilmiş məlumatların Keyfiyyət Menecment Sisteminin tələblərinə tam cavab verməsini bir daha təsdiq edib.

“Meqa Sığorta” ASC “Böyük Britaniyanın Azərbaycandakı Ticarət Palatası”-na üzv oldu.

2022-ci ilin iyun ayından “Meqa Sığorta” ASC bir çox tanınmış şirkət və müəssisələrin təmsil olunduğu “Böyük Britaniyanın Azərbaycandakı Ticarət Palatası”-na üzv oldu. “Böyük Britaniyanın Azərbaycandakı Ticarət Palatası”-na üzvlük “Meqa Sığorta” ASC-yə Cəmiyyətin brendinin geniş və daha da yaxından tanınmasına,  Palata tərəfindən təşkil olunan işgüzar görüş, təlim,  biznes forumlarda Cəmiyyətin nümayəndələrinin aktiv iştirakına,  həmçinin Palatanın apardığı  araşdırmalar nəticəsində əldə edilmiş aylıq təhlillər vasitəsi ilə daha geniş və etibarlı məlumatlar almaq imkanı yaradacaqdır. 

"Meqa Sığorta Qrupu"nun Təlim Mərkəzi fəaliyyətə başlayıb.

2023-cü ilin iyul ayından etibarən Meqa Sığorta Qrupunun daxili resursları hesabına yaradılmış və sığorta sahəsində bilik və bacarıqların artırılmasına, eləcə də kadrların peşəkar inkişafına hədəflənmiş Təlim Mərkəzi fəaliyyətə başlamışdır.

“Meqa Təlim Mərkəzi” adı ilə fəaliyyət göstərəcək Mərkəzin əsas məqsədi sığorta sahəsində professionallığın artırılmasına, kadrların şəxsi və peşəkar inkişafına, komandanın qoyulan hədəflərə daha tez və effektiv çatmasına xidmət göstərməkdir. Təcrübə səviyyəsindən asılı olmayaraq, hər bir əməkdaş peşəkar bacarıqlarını inkişaf etdirmək üçün müvafiq təlim proqramlarında iştirak edə biləcək.

“Meqa Sığorta” ASC Azərbaycanda Kiber risklərdən sığorta təminatı verməyə icazə almış ilk sığorta şirkəti oldu. 

 

Azərbaycan Respublikası Mərkəzi Bankı “Meqa Sığorta” ASC-nin “Kiber risklərin sığortası” Qaydalarını təsdiq edib və bununla da şirkət Azərbaycanda Kiber risklərdən sığorta təminatı verməyə icazə almış ilk sığorta şirkəti olub.