“Meqa Sığorta” ASC, Azərbaycan Respublikasının qüvvədə olan qanun və normativ tələblərinə əməl etməklə, Cəmiyyətin fəaliyyətində maraqlı olan bütün tərəflərin ehtiyac və gözləntilərini müəyyən etməklə müxtəlif çeşidli qeyri-həyat sığorta məhsulları və xidmətləri təklif edir.

Cəmiyyət, fəaliyyətində keyfiyyət və səmərəliliyi daim təkmilləşdirərək aşağıdakı öhdəlikləri üzərinə götürür.

- Qanuni və normativ tələblərə uyğunluq: Qeyri-həyat sığorta şirkəti olaraq fəaliyyəti ilə bağlı qanuni və tənzimləyici tələbləri qəbul etmək və icrasını təmin etmək.

-  Maliyyə məsuliyyəti:Fəaliyyətinin şəffaflığını və yüksək maliyyə sabitliyini bütün maraqlı tərəflərə nümayiş etdirmək. 

-  Xidmət effektivliyi: Göstərilən xidmətlərin səmərəliliyini və keyfiyyətini təmin etmək məqsədilə, əməliyyat və biznes proseslərini təkmilləşdirmək.

- Təşkilati tələblərə uyğunluq:Komanda üzvlərini təhlükəsiz iş mühiti və lazımi avadanlıqla təmin etmək. ISO 9001 beynəlxalq standartın tələblərini nəzərə almaqla, effektiv idarəetməni və keyfiyyət standartlarını təmin etməyə yönəlmiş təşkilati normalara riayət etmək.

- Risklərin Qiymətləndirilməsi: Risklərin effektiv idarə edilməsi məqsədilə, sistematik olaraq potensial təhlükələri müəyyən etmək, onların nisbi əhəmiyyətini qiymətləndirmək, risklərin minimuma endirilməsini təmin etmək üçün müvafiq tədbirlər həyata keçirmək.

- İqlim dəyişikliyi: İqlim dəyişikliyi ilə bağlı mülahizələri Cəmiyyətin biznes strategiyasına və qərar qəbuletmə proseslərinə inteqrasiya etməklə, gələcək nəsillər üçün daha sağlam planetə töhfə verməyi hədəfləmək.

- Maraqlı tərəflərlər: Maraqları tərəflərin ehtiyac və gözləntilərini qarşılamaq məqsədilə,  məhsul və xidmətlərin daim təkmilləşdirilməsi üçün rəy və şikayətlərin qəbul olunması vasitələrini artırmaq.

- Səriştəlik: Yüksək standart və bacarıq səviyyəsini artırmaq üçün komandanın təlim və inkişafına sərmayə qoymaq.

- Davamlı inkişaf: Prosesləri təhlil etməklə, göstəriciləri ölçməklə, səmərəliliyi və keyfiyyəti yüksəltmək üçün yeniliklərə açıq olmaq, davamlı inkişaf mədəniyyətini təşviq etmək.

- Məmnuniyyətin ölçülməsi və artırılması: Prosesləri tənzimləmək və təkmilləşdirmək üçün əldə edilən məlumatlardan istifadə etməklə, müştərilərin və digər maraqlı tərəflərin məmnunluğunu müntəzəm olaraq ölçərək təkmilləşdirmə tədbirlərini icra etmək.      

“Meqa Sığorta” ASC-nin komandası vahid keyfiyyət siyasətinin həyata keçirilməsini, Keyfiyyət İdarəetmə sisteminin bütün  proseslərinin və yeniliklərinin tətbiq olunmasını maraqla dəstəkləyir.